السلام عليكم
جي الشتي و جت المطر و جايبة معاها الخير
أمس صبت المطر ماشاء الله عليها
مشيت تحتها و تفكرت أيام زمان لما كنا صغار نمشوا تحت المطر و نغنوا
المطر ... تصب وعصيدة ...بالرب
يامطر.. صبي.. صبي صبي علي حوش القبي
و القبي ماعنده عَشَيْ غير خبيزة بالترش
يامطر .. يا بشباشة صبي علي حوش الباشا
و الباشا ماعنده شي غير خبيزة بالشَّشي
يا مطر.. ياخالتي صبي علي قطايتي
قطايتي مدهونه بزيت الزيتونة
يا مطر يا بيه صبي علي الطاقية
طاقيتي محطوطة فيها قرين وحوتة
يا أمه أعطيني سباطي باش انعدي لخالاتي
لخالتي البعيدة باش تعطيني عصيدة
يا مطر يا غالية صبيلي على الخابية
فيها شحيمة غاوية نحطوها مع الحمص الني
صبي , صبي ع الميزاب فوق الخلوة و الكتاب
بجاهك يا من زار وتاب وشرب من زمزم وروي
صُبي , صُبي في عيدنا وزيتنا في دقيقنا
الله يخلي سيدنا يعطينا ويزيد اشوي
يا مطر صُبي الوديان وخلي سوانينا غدران
بين الكرمة و الرمان وتحت نخيلات المَسِّي
صُبي , صُبي فوق البير أملي جْنَيِّنَا بالغدير
قصيعتنا نملوها شعير نرحوها نديروها اغدي
صبي , صُبي فوق الحيط وأملي ماجـِنَّـا بالغيث
بالقردل نملى و الخيط ونسقي بوي مع أمي
السلام عليكم
ردحذفجوووو ذكرتينا بايام ما كنا نلعبو من غير رقابة
يسلللمو اول مرة نعرف البقية
احلى دكريات الاغنيه هذي
ردحذفحلوة والله
ردحذف