.الموضوع الثاني إلّي خلاني اليوم نخش للنت، اليوم عبد الرحمن ابن أختي بايت عندنا ، الكل صار يعرف عبد الرحمن و حكاياته معاي ، لكن الكل ما يعرفش ان عبد الرحمن تقريبا كل يوم في شهر رمضان يورو فيه في التلفزيون ، في إذاعة الجماهيرية ، بعد أذان المغرب مباشرة ، يورو فيه لابس بالعربي يشرب في الحليب و يدعي في الجامع ، اللقطة حلوة و مميزة ، يعني فيه هليا ناس عاجبتهم ، صورتها اللقطة بالنقال و عدلت عليها بالموف ميكر (نحيت الصوت) ، و نزلتهالكم نزولا عند طلب عبد الرحمن إلّي مقعمز حنبي و يقولي ( هيا وينها صورتي في النت ؟) نفتحله فيها و مش مصدق إن الصورة نزلت النت ، مش عارفة كيف انخليه يصدق .
طبعا ديمة نعلقو عليه كل مايجي بالتلفزيون العيلة كلها تبدا تحكي على هالولد
ردحذفماشاء الله عليه
وربي يحفظهولكم يارب
وتقريبا بالجامع تبع حي الأندلس لو ماكدبنيش ربي
ولو طلع صح يعني جيرانا :)))
شكرا ليندا علي تعليقك
ردحذفبس للأسف الجامع موجود في عين زارة
الجامع مقابل حوشهم و كل يوم يمشي ماشاء الله عليه و يصلي في كل صلاة إلا العشاء
ف فيه حد من الاذاعة شافه و قال نبي نصوره
و فعلا طلعت الصورة حلوة