استودعتكم في حفظ الله

توا الساعة 12 إلا ربع ، في الليل ، اليوم السبت لكن بعد ربع ساعة يصير الأحد ، حاسة روحي مصدعة من يالي صار اليوم ، و غدوى رح نمشي للجامعة ، و من نت الجامعة إن شاء الله ح إنزل عدد من المواضيع إلّي كاتبتها و مخزنتها في جهازي في البيت، و بعدها نبي نقوللكم مع السلامة ، و كل عام و انتم بخير ، و نتلاقو بعد العيد ، لأني ما نخشش للنت في شهر رمضان ، يعني ما تقلقوش عليا لو غبت عليكم في هالفترة ، بس لا تحرموني من ايميلاتكم .

نتمنى يالي صار اليوم ما يتعاودش تاني ، رح نقوللكم شن صار لما نروق و نقعد مع نفسي و نصيغ الأحداث بطريقتي ، يعني صارلي بس 10 دقايق راجعة من برا و الجو قاعد مشحون ، و الصدمة قاعد مأترة فينا و مش مستوعبين الموقف ، و وقت النوم تأخر ،و لازم نام في هالوقت ، يلا سلام ، توا معليش ، ح نقول إلى اللقاء .