وداعا فيس بوك

السلام عليكم

إخوتي أخواتي

بعد التحية و السلام

منكم من سأل عن سبب إلغائي لمعرفي في الفيس بوك بالأمس

و السبب هو التالي

الإدمان

الحقيقة وجدت نفسي مدمنة على الفيس بوك

و خصوصا الألعاب

في السابق كنت أكرهه لأني أعتبره ( شارع النت ) تخيل نفسك تجلس في الشارع و كل الناس يمكنهم مخاطبتك و معرفة كل ما تقوم به من تصرفات و أفعال

لا خصوصية أبدا

و زد على هذا الكل يرغب في إضافتك

إن أضفته تحمل منه كلماته التي يرغب بها التعرف عليك

و إن لم تقم بإضافته

تحمل أيضا كلمات السب و الشتم و اللعن و وصفهم لك بالمتعالي و المغورو

و غير هذه الأمور

لهذا

وداعا فيس بوك

هذا ما فعلته

بكل بساطة

الباب إلي يجيك منه الريح سده و إستريح

سلامي

مش عارفة شن نقول

السلام عليكم

مش عارفة شن نقول

تعزوني

تكشخو عليا

تواسوني

اني ح نبكي و خلاص

الحكاية و مافيها كل شي ضاع

و معاش يرجع

من الأول

ما تخافوش

الحكاية كبيرة و صغيرة

كل ما في الموضوع ، جهاز الكزمبيوتر متاعي إلي نستخدم فيه و إلي جايني هدية و إلي ليا عامين و نص عايشة معاه

هاليومين صارت فيه مشكلة

بعض صفحات النت معاش يفتح فيها

سألت قالو المشكلة من الجهاز

قلت خلي نديرله فورمات

انزله وندو جديد

جربت في عدد من الأجهزة قبل ما ندير شي في عزيزي البلاكي

لكن

ضاع كل شي في الهواء

البلاكي بدل ما انزل الوندو بس

غلطت

و عاودت التقسيم

و زي ما يقول المهندس متع الدورة

لما تعاودي التقسيم معناها كل شي ضاع

مش عارفة كيف نجحت في الدورة

شكلي ح انمزق الشهادة و نعاود نقرا من جديد

المهم

ضاع كل شي

سنين من التحميل من النت

سنين من الخدمة

سنين من الكتيبة و الابداع

سنين من تجميع الملفات

كلها

كلــــــــــــــــــــــــــــــــها

ضاعت

و معاش بدي فيه شي يحمل اسمي في البلاكي

صار حد تاني

صار حد مش عارفاته

قاعدة توا اندير في تحميل للبرامج و تطويرها

بالك يرجع شويا زي ماكان

لكن صعب يرجع زي زمان

عمره عامين و نص

صعب

جدا صعب

حسني ح نكره روحي بعد شويا

توا خلوني نكمل تحميل برامج و تطويرها و تدوير في مقبرة السيديات ع حاجات ممكن ننعشها

سلامي

تحذير وصلني عن طريق الايميل

تحذير عاجل لكل من يستخدم

Hotmail و yahoo

الخبر بدون مقدمات لانه لايحتمل التاخيراذا وصلتك اضافه من شخص

pavlo _88 @ hotmail .com or yahoo

لاتقبل واعمل له بلوك على طول لانه فايروسبيسرق معلومات الكمبيوتر ونرجو من الجميع التعاون في نشر الخبرلآن في حالة فتحه فانك

ستخسر الايميل مع الباسوورد

وستظهر عبارة تقول: انت متاخرجدا فحيا تك ليست جميلة ...

الفايروس اكتشف حديثا من قبل قرصان اسمه مالك الحياة وهم مجموعة من المخترقين الاسرائليين المراهقين تسمي نفسها

your Kill arabs

.. رجاء ابعثها للاعزاء

و العلم عند الله

الموضوع وصلني بالايميل

فراشة و الكومبيوتر

من الكساد بديت نعاود في فتح اغلب الملفات في الجهاز الي عندي في الحوش و بديت ندور في الملفات القديمة من كتب اليكترونية و لقيت عندي كتب عن تجميع الجهاز و لغات البرمجة الي فهمت منها شويا و الباقي مش عارفة كذبت علي روحي و قلت فاهماته لكن ماعرفتش من وين جو هالملفات لغة سي و الهتمل و الفيجويل بيزك و كلهم بالعربي الحمد لله بس مالقيتش فيهم ملف واحد يشرح ليش الجهاز يوقف لما يرزن او لما نفتح عدد من الملفات مع بعض، اني شاكة في المروحة لكن خايفة ندير فيه زي الجهاز الي قبلة (ابو زريق) فتحته معاش تصكر و لما رفعته للمهندس انصدم و قال هذا معاش يخدم بكل (الله برحمه) الحقيقة اني ماخفتش ع البلاكي ( سميته البلاكي لأن لونه اسود ) بس خفت علي روحي شن ندير من غير كومبيوتر مش قادرة نتخيل روحي من غيره.
اول يوم فكرت بالحصول على جهاز كان في 99 مشيت يوم لمكتب بابا لقيت عنده واحد في المكتب واااااااااااااو كومبيوتر قالي استني هنايا توا نجيك ماكنتش نعرف نفتحة فقعدت نلعب بيه و هو مصكر نتفرج عليه نتحسس فيه نمرر في ايدي عليه عجبني ملمسه و كترة تفاصيله و الفضول يتغلل لقلبي شويا شويا زعمة كيف يخدم و شن يديرو بيه و بقلب البنت بعمر 17 عام حبيته و خش قلبي من اوسع ابوابه باب حب التعلم.
في المرواح من قرقارش لتاجورا الطريق طويلة قعدت نضرب خماسي في سداسي زعمة كيف نقول لبابا نبي جهاز كومبيوتر باهي شن امكانياته زعمة نقدرو نخلو واحد في الحوش مانبيش الا واحد و حتى التعلم ياودي نتعلم فيه بروحي فبعد صمت طويل طويل و بابا مش متعود علي صمتي في السيارة قالي وين وصلتي هالكلمة المعتادة نسمعها لما نكون سرحانة او نخطط لشيئ فقلتله هو الكومبيوتر شن اتدير بيه انت فضحك بصوت عالي قالي عرفتك ح تتكلمي ع الكومبيوتر ف بدي يشرحلي بالشويا بالشويا ع الكومبيوتر شن هو و شن يديرو بيه لكن اقنعني اني في الحوش مش ح نحتاجه اقفلت الموضوع لفترة من الزمن بعد ايام و اسابيع قليله مشيت لحوش وحدة من صاحباتي الي كنت نقرا معاها في الشهادة الثانوية ف كانت المفاجأة ،في ركن الغرفة جلس بكل كبرياء جهاز كومبيوتر ذهلت و اعجبت بالامر فسألتها شن اتديري بالكومبيوتر فجاوبتني مش متاعي متع بابا يخدم عليه و احني مانمسوش فيه صارلة زمان ما انفتح قلت في قلبي ياحرام هالجهاز المناسب في المكان المش مناسب ف طول الدرس و اني مسيبة الاستاد يشرح لكن عيونى تتفرج ع الكومبيوتر لك شوحلو و مهضوم علي قولت اخواننا اللبنانيين
فرجعت للبيت علي رجليا و فيه صوت في عقلي يقول لازم كومبيوتر لازم لازم اول ماوصلت لقيت ورقه مقدمة من احدى الشركات بتوريد عدد من اجهزة الكومبيوتر ف قريت الاسعار طول شفت ارخص واحد لقيت حقه مايساوي فلوس فطوري ل 3 سنين وااااااك هلبا بتفكير الفتاه الصغيرة قلت بابا لاغي الموضوع و مش ح نكلمه تاني لين نحصل سعره على الاقل النص مش يساعدني في النص التاني و بديت في تجميع فلوس فطوري دينار علي دينار و ربع علي ربع و فجأة بعد الامتحانات الاولى روحت للحوش بعد مشي مسافة 2كيلومتر الي كانت المسافة الفاصلة بين المدرسة و الحوش نلقى في صناديق و رقية مختلفة الاحجام مرمية في الجنان زعمة شن شاريين و حاولت نقرا شن مكتوب مالقيتش الا اسم بابا هيا توا نخش و نعرف و لقيت الي ماصدقتاش جهاز كومبيوتر ياربي يخليلي بابا قلت في قلبي لكن بعدين عقلي قال لالا ماتفرحيش ممكن هذا واحد من اجهزة العرض متع الشركة و بابا جابه تجربة بس فقلت السلام عليكم كيف حالكم توا و بسؤال غبي سألت الجميع هذا شنو؟؟ فضحك بابا قالي هذا كومبيوتر للحوش ليكم كلكم طرت من الفرحة و الدمعة في عيني فكابرت ع اساس مش معدله و قلتلهم مبروك عليكم و خشيت نغير في حوايجي و اكتشفت ان الشقاقة متحركة من مكانها و مذكرت يومياتي مفتوحة عرفت بابا قراها و جابلي الجهاز يااااااااااااااااسلام هذا كان اول جهاز نوعه الفاتح يادوبك كنت نعرف نطبع او نلعب كارطه وألغام و شويا نلعبو سوبرماريو و يعد شويا الجهاز فسد رفعه بابا للمهندس بس كان الباين اني لما نحوس في المايكومبيوتر كنت نلغي في ملفات ماتبيش تفتح حسيتها زايدة لكنها كانت ملفات النظام غلطة كبيرة معليش المرة هاذي تعلمت مش كل الملفات لازم تنفتح ولما روحت من المهندس حاولت نركب الجهاز لكن ارتكبت خطأ فادح ركبت الشاشة في مكان غلط ف طلعت نار تقدر تضحك لكن كانت اول مرة نركب الجهاز بروحي لكن الحمد لله بابا كان معاي و الحوش فيه نظام فصل الكهرباء الاوتوماتيكي يعني انخلعت شويا لكن بابا طمني قالي فداك الشاشة غدوى تكون عندك وحدة تانية وفعلا هكي صار ماكانش فيه سماعات ولا طابعة مع الوقت شفت في التلفزيوم برنامج عن الكومبيوتر ف أول ماشد انتباهي فيه صوت طالع من الكومبيوتر شي حلو فيه حاجة اسمها نت و من اهني بدي حب النت ياسلام الناس تكلم بعضها صوت و صورة شي حلو خزنت هالمعلومات في راصي و عرفت شن البرامج المحتاجتها استنيت لأول زيارة للمكتبة و شريت كتابات ع الموضوع و في المرواح مشيت للمهندس و منها شريت السماعات و بعدين حسب مانتفكر كان موعد تسليم مشروع اختي ف بابا جابلها طابعة مش تطبع مشروعها الطابعة كانت اسود بس لكن كنت راضية بيها بعد ايام اشتركنا بالنت و بديت نفركس في كل شي صار بابا المعلم الكبير يطلب مني المساعدة في كل شي الطباعة الحسابات اكسل و غيرها كنت من اول الطالبات الي قدمت التقرير في الصورة المطبوعة كان ابداع صحيح كنت نطبع بإيد وحده و كانت المونتر صغيرة و الطابعة ابيض و اسود لكن الحمد لله لقيت من يفهمني غير الكتاب فيه كل زين لحد الآن مالقيتش فيه مايعيب لين خشيت الجامعة لما كان القروب يتكلم ع النت و الكومبيوتر مكانوش يصدقو ان عندي كومبيوتر مش عارفة علاش فكان اقصى رد سمعته هو كان نسألك ع القمر تقولي مشيتله مش عارفة ليش ماكانوش يصدقو معليش عقولهم صغيره ومافيش مرونة و خيال هكي كنت نقول عليهم
مع افتتاح اول كفي نت في الجامعة فرحت هلبا لأن النت الي في الحوش كان تاعب و في الحوش مافيش حد يعلمك يعني يادوبك نفتح ع الاغاني وموقع عمرو خالد شويا ع المواقع الليبية القديمة رسوم الانمي و المانقا و غيرها بس بدون مايكون عندي ايميل وماكنتش نعرف كيف يديروه لكن لما كنت في الجامعة اكيد فيه من يساعد و فعلا لقيت من ساعدني كان فيه مهندس مصري اسمه اكرم نشكره الي عرفني ع النت و كان فيه صاحبه محمود علمني كيف نفتح ايميل الحمد لله لقيت من ساعدني و لأن محاضراتي كانت وحدة الصبح الثمانية و الي بعدها 2 و ماكانش عندي بطاقة مكتبة خليت من النت حوش بوي يعني ديما فيه صرت زبونة حتى لما كنت نكمل محاضرتي بكري و بابا يعطل عليا كان يعرفني في النت و كنت من الطالبات الي ماتحبش الزحمة فكنت الوحيدة الي مسموحلها تخش للصالة الداخلية صالة الدكاترة لاني كنت نعطل في النت صارلي ادمان نت نت نت نت نت نت نت نت لين جت الكارته وصلني ايميل شرير ف ماعرفتش نلغيه وديما يطلعلي ايميل مزعج ديما ديما يطلع بس كان بابا في سويسرا لازم نقعد ع النت و لازم نشوف كل الايميلات هومرات كان يبعث حتى من ايمي صاحبه او يقول لاي حد في الشركة يبعت دعيت ربي يساعدني لازم نفتح الايميل ماكنتش عارفة كيف يلغوه او كيف يعرفو من بعته كنت في موقف مش عارفة كيف نوصفه محتاجة نشوف بابا شن باعت و خايفة من ربي يحاسبني ع شوفت الصور يا حرام كنت بين نارين فدعيت يا رب نبي نعد لل10 لو بعتتلي حد نعرفة و خش للغرفة ح نطلب منه يساعدني و لو ماخش حد ح نفتح الايميلات و امري لله عديت 1 2 3 4 5 6 الباب انفتح كنت بروحي خفت ليكون دكتور لكن ماكانش ركتور كان ولد نعرفة ف وقف وقال انتي هنايا نحسابك برا فبان التوتر عليا نقوله، لا ،نقوله ،لا ،بعدين قلت هذا الي ربي بعتهولي توكلت على الله و قلتله ع المشكلة ف ساعدني و علمني كيف نلغي الايميلات المشكوك فيها و كيف ندير بلوك من غير مانفتحها، ومن هنايا عرفت ان في كل مكان فيه الزين و الشين حتى في النت لغيت كل ايميلاتي بعد ماروح بابا من السفر و فتحت ايميل في الياهو و سجلت في منتدى الهندسة نت بديت البكتابة في المندتى و كانت عاجبتني الفكرة بيت لكل المهندسين يعني انتماء للمكان زادت سعات الدخول للنت بسبب التقارير و الامثلة المعمارية و العمل و انزال البرامج و طبعا لايخلو الامر من انزال الألعاب فصار كل من يبحث عني اول مكان يدور فيه النت
تعلمت الكاد وفي فترة اعطيت دورة كاد بس كانت تقوية بس مش معتمدة و تعلمت مجموعة من برامج الرسم منها ماكان تعليم ذاتي اوعن تجربة او مساعدة من البرنامج نفسه مرات نطلب المساعدة من الخبراء او نتفرج علي غيري كيف يخدم و اخزن المعلومات صرت زي ماتقول نعرف شويا في كل شي بس نحتاج لدورات لاعتماد ماتعلمته ممكن ناخد دورة 4 شهور في الحاسوب و نحصل شهادة معهد متوسط الفكرة خاشة بالي لكن نستنى الوقت المناسب على فكرة لحد الآن صارلي مفسدة 4 اجهزة و الخامس بين ايديا و 3 مونتر وحدة انحرقت و وحدة صارت الوانها ع الازرق و الثانية ع الاخضر لكن الي عندي الوانها كويسة الحمد لله الكيبورد ممكن 8 او 9 الماوس حدث ولا حرج مش عارفة عددهم الطابعات الاولى ابيض و اسود استحملتني 4 سنين الحمد لله و الثانية ملونة فسدك في اقل من شهر و عندي الثالثة ربي يخليهالي اتش بي1513 ثلاثة في واحد و اخيرا و ليس آخرا مازال الطويل قدامي طويل مش نوصل للمكان الي نبيه في الكومبيوتر نبي شهادة و نبي كميرا ديجيتال تابث و متحرك و نبي نعرف كين انحول الأشرطة من كاميرة الفيديو للكومبيوتر و كيف تحول الشريط الكاسيت حتى هو للكومبيوتر و لحد توا هاذا مانبي .ممكن بعدين نحتاج كومبيوتر محمول .