أدعية

حَسْبِيَ اللّهُ لا إِلَهَ إِلاَّ هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظيمِ

εïз

اللهم من اعتز بك فلن يذل، ومن اهتدى بك فلن يضل، ومن استكثر بك فلن يقل، ومن استقوى بك فلن يضعف، ومن استغنى بك فلن يفتقر، ومن استنصر بك فلن يخذل، ومن استعان بك فلن يغلب، ومن توكل عليك فلن يخيب، ومن جعلك ملاذه فلن يضيع، ومن اعتصم بك فقد هدى إلى صراط مستقيم، اللهم فكن لنا وليا ونصيرا، وكن لنا معينا ومجيرا، إنك كنت بنا بصيرا

εïз

تعب آخر سمستر

بقلم في الثلاثاء, يناير 09, 2007
ديما في آخر ايام في السمسترات نكون تعبانة و ناقصة نوم بس هالسمستر كان غير تعب لآخر العداد هذا لو دارو عداد للتعب سهر و خدمة و قلة نوم و قلة حركة و صقع و ............. المهم هذا الي صاير

ليا يومين مش راقدة باهي

نفيق الصبح مع خوتي عندهم امتحانات نطلع من الحوش نقعد في الكلية للساعة 2 نروح واني راقدة في السيارة تنغدى و نفتح الكومبيوتر و نبدا في الرسم و اني على هالكرسي قاعدة لوقت العالة نشم ريحة الكاكاوية نطلع ناخد طاستين شاهي و حفنة كاكاوية ونرجع لمكاني لين يجي و قت العشي ينادوني نمشي نتعشى و نرجع للجهاز و في الليل لما خلاص كلهم يرقدو و يصطرو المكيف و الدفايات و نحس بالصقع و فيه ناموسة ديما تنوس معاي في الدار نقول نقتلها و الا نخليها تونسني نخليها تونسني خير ولما عيونى خلاص يتصكرو و مفعول طواسي الشاهي يكمل و لما ضهري معاش يستحمل الكرسي ، نغير علي كرسي تاني لين طاقتي تنفذ و الا نلقى معاش فيه شي ينزاد

نرجع تاني يوم للكلية و نناقش الدكتور و مايعجبة شي نكون متعفلقة لكن نخش للنت علي طول و نغير جوي بيه .

هذا كان ملخص ما يتم في هذه الايام

ادعولي ربي يساعدني.
التسميات: ,

هناك 3 تعليقات:

  1. A.Adam11 يناير 2007 في 1:53 ص

    يا سلام يا فراشة .. جيت في خاطري هلبا طاسة الشاهي بالكاكاوية ، غدوة نمشي نشري من السوق كاكاوية من النوع الكويس يلي نحبه .. وإن شاء الله لا بأس عليك ، مش كويس ظهرك بيوجعك .. ويصير معاك يلي صاير معاي انا .. وضحكتني بقصة الناموسة :P

    بالتوفيق إن شاء الله

    ردحذف
  2. S.Hamid11 يناير 2007 في 9:24 م

    اممممممممم ... ربي يكون في العون

    ردحذف
  3. فراشة15 أغسطس 2010 في 11:31 ص

    السلام عليكم

    A.Adam

    جميل أن أكون سببا في إضحاكك .


    S.Hamid

    الله يعاوننا أجمعين


    سلامي

    ردحذف

نرحب بنقرات اناملك على لوحة المفاتيح هنا :) اهلا بك ......

الاشتراك في: تعليقات الرسالة (Atom)